违法和不良信息举报电话:
13724054694

广告:
18665713503

大洋网二维码 广州日报大洋网:移动版

关 闭

油烟机会煲汤、手势也能翻译 这中博会我点赞亚洲最大!不到你不服!耙吸式挖泥船建成投产

书店除了买书 还能喝咖啡看电影玩游戏!

喺广州逛书店有咩玩?话你知,可以饮咖啡、买嘢、睇电影,甚至系玩游戏。你冇听错!新闻讲,国庆前新华书店喺白云区永泰就开咗间个性化嘅书店,尝试“图书+VR游戏”新模式,想通过呢种突破常规嘅玩法,吸引啲细路同家长前来。

互联网嘅发展,令唔少实体商业面临巨大冲击,书店首当其冲。广州嘅实体书店前几年执咗唔少,大浪淘沙后,家阵剩低嘅都出尽法宝,谋求突围。购书中心旧年装修复业,划咗相当大嘅面积来做饮食、文具、艺术用品甚至电器等。其它或新或旧嘅连锁书店,包括学而优、联合、西西弗、1200 book shop等,都增设咗好多附加功能,饮茶倾偈、文创小玩意甚至买衫,都可以喺书店一站式搞掂。相比以前“独沽一味”嘅传统书店,如今成咗文化休闲嘅场所,多咗唔小吸引力。

前一排嘅南国书香节传来嘅消息话,书店家阵已成咗广州好多商场嘅“标配”,唔少大商场仲主动降租金“倒贴”书店,吸引佢哋进驻。呢个确实喺一个好现象,对于商场来讲,有间书店多少增添咗文化韵味,优化消费品类,利于吸引唔同需求嘅顾客,增加客流量。各种类型嘅消费便利集纳一齐,相互促进,相得益彰。呢样嘢亦证明,作为商业之都嘅广州,同时亦系一个“文化之都”。

◎闻歌 媒体人


[ 编辑: 吴雪莹 ]
微信公众平台

分享到: